Восень - традыцыйны час у Беларусі для правядзення каманднага турніру! У пачатку гульнявога года гэта добра гуртуе хлопцаў, дае добры зарад пазітыву і баявога духу на ўвесь сезон!
Сёлета каманды падышлі да турніру як ніколі ў вельмі роўных складах. Лідэраў не было, па сваім рэйтынгавым складнікам усе вельмі блізка адзін да аднаго. Інтрыга велізарная!
Такім чынам, нашы ўдзельнікі:
1. UZ 30 (Куратнік Эдуард, Далгоў Аляксандр, Куратнік Віталь) - чэмпіёны мінулага сезону.
Віталь у гэтым годзе зьмяніў Сяргея Важніка, які ў сваю чаргу перайшоў да чэмпіёна пазамінулага сезона - каманду RASA.
2. RASA (Акінфін Андрэй, Собаль Віталь, Важнік Сяргей).
3. ТЯНИ-ТОЛКАЙ (Шыркавец Мацвей, Князюк Андрэй, Шыркавец Аляксандр).
4. КАНЦЭНТРАТ (Крыніцкі Вадзім, Сліж Уладзімір, Краўчанка Аляксей).
5. БарАвіКі (Бартош Аляксандр, Авін Аляксандр, Кудзінаў Сяргей).
Прыемным і нечаканым сюрпрызам для ўсіх (акрамя, канешне, таго, хто яго і пазваў у сваю каманду) стала з'яўленне нашага госця з Расіі - Сяргея. Бо пра тое, што ён будзе ўдзельнічаць у камандніку ўсе даведаліся толькі перад пачаткам турніру. Першапачаткова ў спісе быў Іван Авін.
Кожная каманда наладжваецца перад гульнёй па-свойму: хтосьці ціха канцэнтруецца, а камусьці трэба пакрычаць, некаторыя паляпваюць адзін аднаго па плячах, іншыя заводзяць сваіх таварышаў гучнымі забіяцкімі заклікамі. Камандны турнір адназначна весялей і эмацыйней, чым індывідуальны!!
На групавым этапе гулялі 5 тураў.
Пасля трох тураў ужо было прыкметна, што камусьці шанцуе больш, камусьці менш. Ва ўсіх былі перамогі і паразы. На гэтым фоне вылучаўся хіба што КАНЦЭНТРАТ: у яго пакуль з улікам аднаго адпачывальнага тура было 2 паразы. Ім сапраўды трэба было перамагаць у бліжэйшых гульнях, каб увайсці ў запаветную чацвёрку, якая дае права гуляць у плэй-оф. Чым яны і скарысталіся, абыграўшы UZ 30 у наступным туры. Сваю перамогу таксама аформілі і ТЯНИ-ТОЛКАЙ, што дало права перад адпачынкам расслабіцца і назіраць за гульнёй супернікаў у 5 туры, таму што пры любым раскладзе яны адназначна займалі 1 або 2 месца ў групе. Апошні 5 тур вырашаў, хто застанецца ў зоне плэй-оф. Расклад быў наступны: калі б перамаглі першыя ў пары КАНЦЭНТРАТ - БарАвіКі, пры ўмове пройгрышу RASA супернікам з UZ 30, то ў плэй-оф заставаліся гэтыя абедзве каманды. Калі перамагалі другія, то ў незалежнасці ад выніку гульні RASA, КАНЦЭНТРАТ застаецца за бортам плэй-оф. А калі RASA перамагае, то чацвёрку замкне пераможца пары КАНЦЭНТРАТ - БарАвіКі. Карацей, перамагаць трэба было ўсім! Больш паспяхова з гэтым справіліся БарАвіКі. Чым і заслужылі трэцяе месца ў групе, даслаўшы канцэнтрат на 5 месца. Вельмі нечаканы вынік гульні КАНЦЭНТРАТА не толькі для іх саміх, але і для ўсіх каманд. Бывае такое - не ідзе гульня...
Ну а выніковае становішча каманд пасля групавога этапу было наступным:
У плэй-оф камандніка UZ 30 зарубіліся з RASA, а ТЯНИ-ТОЛКАЙ з БарАвіКамі. Варта адзначыць, што абедзве серыі былі напружанымі для ўсіх. Да апошняга тура не было яснасці, хто каго. У выніку лідэры групы абыгралі тых, хто быў ніжэй з аднолькавым лікам 5:3.
Прайграўшыя разыгралі трэцяе месца. І вось тут і была самая вялікая інтрыга сённяшняга дня. Пасля двух тураў лік на карысць Баравікоў 3:1. У трэцім туры RASA вырывае 2 перамогі і адна сустрэча скончылася нічыёй. Лік 3:3. Наперадзе вырашальны матч капітанаў каманд: Аляксандр Бартош супраць Андрэя Акінфіна.
З якімі пачуццямі капітаны каманд падыходзяць да хакею, ведаючы, што менавіта іх матч, і толькі гэты, вырашыць лёс медалёў ўсёй каманды... ? Тут ёсць аб чым пафантазіраваць...
Мабыць нешта гуляла сёння за RASA акрамя гэтых трох гульцоў, таму што як у групе, так і тут таксама падфарціла. Андрэй абыграў Аляксандра 2:1 і здабыў для каманды бронзу!
Бітва за золата была таксама сапраўдная! Усё вырашылася ў апошнім туры. ТЯНИ-ТОЛКАЙ вырвалі перамогу ў адно ачко ў UZ 30 - 4:3 і ўпершыню сталі ўладальнікамі залатых медалёў. Ну а UZ 30 зноў другія...
Нашы віншаванні ўсім удзельнікам каманднага турніру з тым, што свята атрымалася!
Таксама віншуем прызёраў! Вашы медалі былі здабытыя заслужана і ў абсалютна сумленнай барацьбе!
P.S. Каманднік - усё ж такі класны турнір! Камандныя эмоцыі не параўнаць з індывідуальнымі! Можа яго праводзіць 2 разы на год?...
