Другі этап АЧБ супаў з каманднікам. Гэтай раніцай доўга запрагалі коней. Тэхнічна ўнясенне вынікаў камандніка займае больш часу, чым індывідуальнага турніру (але наш мега-тэхна-мозг Андрэй Акінфін, як заўсёды, ўсё зрабіў выразна), таму ў гэтым сезоне вырашылі проста залічыць гульні ў камандніку як кругавы этап, і на гэтым з гульнямі ў групе скончыць. Ва ўсіх было страчана процьма эмоцый і сілаў.
Групавы этап расставіў усіх наступным чынам:
Варта звярнуць увагу на фенаменальна рэкордны па выніковасці паказчык Мацвея: ніводнай паразы і толькі адна нічыя. Страчана ўсяго толькі адно ачко. Гэта лепшая серыя Мацвея за ўсе гады выступаў!! Наперадзе мэта у 100 адсоткаў па выніковасці!
Віталь Собаль трапіў у плэй-оф, а вось яго калега па камандзе Сяргей Важнік заняў апошняе месца - таксама своеасаблівы рэкорд для яго. Не пайшла гульня і ў Вадзіма Крыніцкага, перадапошняе месца было толькі на світанку яго нахокерской кар'еры гадоў 5 таму. Сяргей Кудзінаў, які некалі быў нярэдкім госцем на нашых турнірах і часцяком браў медалі, сёння апынуўся за бортам запаветнай васьмёркі.
Медалісты кругавога турнiру (замест адсутнічаўшага на момант уручэння Аляксандра Далгова яго ўзнагароду часова надзеў на сябе Эдуард, выключна дзеля фотаздымка, абяцаў перадаць пры сустрэчы)):
Шасцёрка тых, хто апынуўся ніжэй восьмага месца разыгралі медалі Першай лігі. Спачатку згулялі кругавы этап, затым плэй-оф. Здзівіў наш ветэран - Андрэй Князюк. Мабыць залатая медаль камандніка аказалася тым фактарам, які дэматываваў яго далейшую гульню. І ён прайграваў усім без выключэння.
У плэй-оф гулялі:
Сяргей Кудзінаў - Аляксандр Шыркавец. Не ведаю, як сёння Аляксандр уплываў на Сяргея, але да гэтай серыі яны тройчы гулялі і ва ўсіх трох матчах Аляксандр выходзіў пераможцам. Серыя плэй-оф часам ставіць усё на месцы. Але мабыць тут ужо ўсё і так было на сваім месцы. Аляксандр і тут абыграў Сяргея, але ўжо ў вырашальнай пятай партыі. Была барацьба.
Другая пара: Аляксандр Авін - Вадзім Крыніцкі. Сённяшні дзень дакладна не Вадзіма. Ён прайграў Аляксандру 1:3.
Прайграўшыя сышліся паміж сабой. Упартыя супернікі, якія не жадаюць саступаць, - усё ж такі матч за бронзу Першай лігі. Сяргей Кудзінаў у вырашальнай пятай партыі аформіў перавагу ў дзве шайбы над Вадзімам. Як не задалося ў Вадзіма з раніцы так і ... Прама, як у Аляксандра Бартоша на мінулым АЧБ.
Ну а нашага госця са слаўнага горада Чарняхоўска можна павіншаваць з бронзавым медалём! Падарунак лёсу за далёкую дарогу, адданасць і любоў да нахоку!
Фінальны матч паміж двух Аляксандраў у Першай лізе быў акуратным і асцярожным з боку абодвух і, як вынік, не багатым на забітыя шайбы. Авін даціснуў. Малайчына!
Прызёры Першай лігі:
Чвэрцьфіналы плэй-оф на здзіўленне прайшлі хутка: больш за 5 партый ніхто не згуляў, хоць усе супернікі роўныя класам.
Прайграўшыя пайшлі высвятляць адносіны за 5-8 месцы. Хоць не ўсе. Аляксандр Далгоў усё высветліў яшчэ ДА. Ён, як гэта звычайна бывае, выклікаў ліфт і адправіў хлопцаў наверх, а сам застаўся на першым паверсе...
Паўфіналы плэй-оф:
Мацвей Шыркавец - Эдуард Куратнік. Тут заўсёды быў бой. Але не ў гэты раз. Цяпер Эдуард не аддаў Мацвею ніводнай партыі.
Аляксандр Бартош - Уладзімір Сліж. Уладзімір у першай жа партыі, ліха пачаўшы, захапіў ініцыятыву ў свае рукі. Але другую ў авертайме выйграў Аляксандр, і ўсе астатнія таксама ён.
Матч за трэцяе месца. Мацвей быў ці то злы, ці то звышзаматываваны, але Валодзю ён накалаціў за 4 згуляных імі партыі 24 шайбы. Для кубка гэтага хапіла.
Фінал.
Аляксандр Бартош - Эдуард Куратнік. Старыя добрыя супернікі. Аляксандр прайграе першыя 2 партыі. Потым іх адыгрывае. А затым ужо на ўздыме даводзіць справу да перамогі.
Усіх прызёраў з перамогай!
Усім гульцам дзякуй за ўдзел!
Убачымся на BELARUS OPEN, які адбудзецца 29 кастрычніка!!
