Традыцыйна вясной мы праводзім MINSK CUP. Гэта адзіны турнір у годзе, дзе мы гуляем з назапашваннем рахунку. Рэгламент незвычайны і ўносіць інтрыгу ў гульню, менавіта за гэта многія яго і любяць!
А аповяд мы пачнем з гульцоў Лігі Б.
У лізе для пачаткоўцаў сабралася тройка жадаючых: Ілля Лысенка з сынам Іванам і Аня Сліж:
Сярод іх правялі двухкругавы этап. Ілля з сынам гуляюць дома, і трэба сказаць, што ў шасцігадовага Вані для яго ўзросту ўжо нядрэнна атрымліваецца. Настолькі нядрэнна, што ён абыграў тату і нават разабраўся ў адным з матчаў з Аняй. Галоў Ваня забіваў няшмат, але розных, чым здзіўляў не толькі Аню, але і многіх, хто адным вокам пазіраў за развіццём падзей.
Ваня сваёй гульнёй абсалютна заслужана зарабіў залаты медаль, Аня была другой, ну а тату сённяшняга чэмпіёна прыйшлося здавольвацца бронзай.
Моладзь такая - не ўгонішся за ёй...
Ліга А сабрала сёння 11 удзельнікаў.
Правялі двухкругавы турнір з захаваннем рахунку, пры гэтым гулялі 2 матчы адразу.
У плэй-оф выходзіла васьмёрка. У яе не ўвайшлі: Аляксандр Шыркавец, Аляксандр Авін і Віталь Куратнік. Варта адзначыць паказчык прапушчаных шайбаў у Аляксандра Авіна - 42.
Для параўнання: у Мацвея Шыркаўца - 46. Аляксандр вельмі нядрэнна абараняецца, засталася справа за малым: актывізаваць дзеянні ў атацы! Мацвей тут таксама будзе добрым прыкладам!
Гэтая тройка чакала чацвёрку тых, хто вылеціць пасля чвэрцьфіналу плэй-оф.
Уладзімір Сліж заняў восьмы радок у табліцы, сёння ў яго гульня зусім не клеілася: прапускаў незвычайна шмат, а з атакай справы ішлі нянадта.
Міхаіл Чарнабай стаў сёмым:
Вадзім Крыніцкі шостым:
Пятым - Аляксандр Далгоў:
Чацвёртае месца ў Аляксея Краўчанкі, які абышоў па лічцы менавіта Далгова, утрымаўшы свае вароты на замку ў гульні з Сашам у абодвух матчах!
Трэці - Эдуард Куратнік:
Другі - Мацвей Шыркавец:
На першым радку - Аляксандр Бартош.
У плэй-оф серыя гульняў складалася з пяці матчаў з назапашваннем рахунку.
Першая пара: Аляксандр Бартош - Уладзімір Сліж.
У першага сёння на кругавой стадыі не было паразаў, у другога іх было 7. Але ў Валодзі зараз усё пачало атрымлівацца. Кожны матч ішлі нага ў нагу. Пасля чатырох згуляных матчаў лік быў 10:10. У вырашальным Валодзя забіў на адну больш - 11:12 і прайшоў далей.
Матч паміж Аляксандрам Далговым і Аляксеем Краўчанкам быў не менш напружаным.
Ўзаемныя галы, супернікі адпускаюць адзін аднаго толькі на крок. У выніку з мінімальнай розніцай перамагае Саша - 11:10.
У пары Мацвей Шыркавец - Міхаіл Чарнабай гульня была больш адкрытай і ізабільнай.
Інтрыга таксама трымалася, але ў канцоўцы Мацвей налёг на жэрдкі, уключыў турбіну і давёў справу да перамогі - 21:16.
У апошняй чвэрцьфінальнай пары гулялі Эдуард Куратнік і Вадзім Крыніцкі.
Эдуард патроху адрываўся з кожным матчам і давёў серыю да 17:10 на сваю карысць.
Прайграўшыя далучыліся да тройкі, якая чакала іх, і разыгралі медалі Першай Лігі па кругавым этапе з двума матчамі і зноў з захаваннем рахунку.
Тут перамогу святкаваў Аляксандр Бартош, срэбра ў Вадзіма Крыніцкага, бронза ў Аляксея Краўчанкі.
У першым паўфінале Аляксандр Далгоў гуляў з Уладзімірам Сліжом.
Глейкая і акуратная гульня абодвух супернікаў, павольныя і вывераныя камбінацыі і ўдары з абодвух бакоў. Сашу дзесьці шанцавала крыху больш - 11:9.
У другой пары Мацвей Шыркавец гуляў з Эдуардам Куратнікам.
Эдуард славіцца тым, што менавіта MINSK CUP - яго самы ўдачлівы турнір. Падзеі ў іх гульні развіваліся так, што міжволі пачынаеш задумвацца, што хтосьці зноў пісаў сцэнар сённяшняга турніру пад Эдуарда. Звычайна актыўна накідваючы шайбы ў вароты суперніка Мацвей застапарыўся, і да зыходу пятага матчу лік стаў 8:13 на карысць Эдуарда.
У матчы за бронзу Мацвей спаўна адарваўся на Валодзі - 24:14. Гэта была яго гульня!
Ну а пра фінал Далгова і Куратніка можна і не распавядаць. Вынік быў зразумелы яшчэ да яго пачатку. На вялікі жаль усіх...
Прызёры, вядома, заслужылі месцы на п'едэстале, але хочацца, каб была гульня, але яе не было, а шкада. Спорт павінен быць сумленным, справядлівым і з інтрыгай, інакш, які ж гэта спорт...
Гуляйце ў настольны хакей, сябры!
Гуляйце па-сапраўднаму!!
