27 траўня прайшоў апошні ў гэтым гульнявым сезоне 8-ы этап. Перад летнім адпачынкам скрыжаваць клюшкі сабраліся 11 гульцоў. Пасля двух кругоў турнірная табліца выглядала наступным чынам:
Прызёры атрымалі свае медалі:
Аляксандр Авін, Віталь Куратнік і Аляксандр Шыркавец разыгралі медалі Першай лігі. Лепшым там стаў Аляксандр Авін:
У серыі плэй - оф заінтрыгавала сябе пара Уладзімір Сліж - Аляксей Краўчанка. Там усё вырашылася ў апошнім матчы, ды яшчэ і ў авертайме. Лёша паказваў упэўненую гульню, але Валодзю пашанцавала больш.
Аляксандр Далгоў прапусціў свайго калегу Эдуарда Куратніка далей без барацьбы.
У гульні за 5-8 месцы Аляксей Краўчанка абыграў Вадзіма Крыніцкага 4:2. Андрэй Акінфін праз адсутнасць Аляксандра Далгова аўтаматычна трапляў на пераможца гэтай пары.
Серыя паміж Андрэем Акінфіным і Аляксеем Краўчанка была вельмі захапляльнай. Лёша павёў пасля трох партый 3:0, прытым дзве з іх ён узяў толькі ў авертаймах. Але Андрэй умее збірацца. Наступныя дзве партыі ён прымусіў Лёшу капітуляваць. Здавалася, што Андрэй знайшоў сваю гульню, але ў Лёшы былі свае планы, і ў шостым матчы ён давёў серыю да сваёй перамогі.
У паўфінале адпачыўшы Эдуард Куратнік трапіў на Аляксандра Бартоша, якога да гэтага нядрэнна праэкзаменаваў Андрэй Акінфін. Ліха пачаўшы Эдуард ужо пасля чатырох матчаў лідзіраваў 3:1. Мабыць, ужо паверыўшы ў сваю перамогу, зменшыў абароты, чым і скарыстаўся Аляксандр, адыграўшыся ў наступных матчах, а затым з мінімальнай перавагай вырваўшы вырашальны матч.
У другім паўфінале Мацвей Шыркавец даволі лёгка пераадолеў супраціў Уладзіміра Сліжа 4:1.
У матчы за трэцяе месца Эдуард быў мацнейшы за Уладзіміра 3:1.
Фінал двух супернічаючых за вышэйшы выніковы п'едэстал гульцоў не мог не быць цікавым. Аляксандр павёў пасля першай партыі, потым Мацвей адыграў. Затым ужо Аляксандр у трох матчах з мінімальным адрывам, але давёў справу да пераможнага выніку. 4:1 - перамога Аляксандра.
Гэта быў апошні этап у гэтым гульнявым сезоне. Наперадзе летнія канікулы. Адпачываюць не толькі дзеці, але і дарослыя!
Усім прадуктыўнага лета!
Сустрэнемся 26 жніўня!
А ў наступным артыкуле вы даведаецеся, хто ж стаў выніковым прызёрам мінулага чэмпіянату і ўладальнікам нашых традыцыйных намінацый!
Сачыце за навінамі!
